Artxibokoa

Udal hauteskundeak.

Aurreko urtetako kontuen ikuskatzaileek 1817ko kontuak aurkezten dituzte eta Udalbatzak onartzen ditu.

Iruñeako apezpikuak Udalbatzari zuzendutako bi idatzi jakinarazten dira, Kristo Sainduaren basilikaren egoerari eta hartu beharreko neurriei buruzkoak. # Juan Antonio Eleizalde, Nikolas Ramon Altzate eta eskribaua izendatzea, Iruñeako apezpikuak agindutakoan dauden desadostasunak jakinarazteko. # Jose Antonio Etxegarairen eskaera aintzat hartuz, udal-auzo karguaren dimisioa onartzen da. # Jose Antonio Etxegarairen aitaren eskaera aintzat hartuz, udal-auzo karguaren dimisioa onartzen da.

Korrejimenduak Lezori zuzendutako idatzia jakinarazten da, aurreko urteko udal-karguei Korrejimenduan jarraitutako auziengatik zor dutena ordaintzeko eskatuz. # Korrejimenduko auzien gastuen zorra kitatzeko beharrezkoak diren eginbideak egitea adosten da.

Udalbatzak Jose Rafael Pikandia elizako onuradunaren kontra duen auziaren epaiaren ondorioz, honek sakristia uztea eta auziaren gastuak ordaintzea onartzen da. # Sakristau berriaren izendapena: Zelestino Pikandia. # Udalbatzarekin desadostasunak argitzeko Jose Agustin Isasa izendatzen da.

Pilotalekuaren eraikuntza Rafael Garralda eta Domingo Otermin ardo hornitzaileen kontura egitea onartzen da eta baldintzak zehazten dira. # Gaztelako kontzejuan pilotalekua egiteko baimena eskatzea onartzen da.

Udal diputatuen izendapena: Jose Agustin Isasa eta Manuel Sein.

Udal hauteskundeak.

Jose Antonio Etxegarai eta Jose Joakin Salaberria udal-auzo izateari uzteko agindua eta udalbatzar irekitik kanporatzea. # Errege dohaintza ordaintzeko eginbideak egitea agintzen da. # Ignazio Mariano Mandiola Korregimenduko priorearen aldeko ordainketa agindua. # Rafael Pikandia presbitero eta sakristauaren kontrako auzia beste egun batean jorratzeko erabakia.

Erregeari egin beharreko dohainari buruz Probintziak Lezori zuzendutako idatzia jakinarazi eta onartzen da. # Zenbait udal-auzoren kanporatzea, errege zedularen aginduak jarraituz. # Nikolas Altzate udal-auzo izatea onartzen da. # Rafael Pikandia presbitero eta sakristauak Udalbatzaren kontra duen auziarekin jarraitu edo ez bozkatzen da.

Aurreko udal-karguek kontuak aurkezten dituzte eta hauek ikuskatzeko Pedro Jose Mendia eta Jose Antonio Agirre Sarasti izendatzen dira.

Udalbatzak Blas de Lezo markesari zuzendutako eskaerak erantzunik jaso ez duenez, pilotalekuaren horma bere etxearen kontra eraikitzeko lanekin jarraitzea adosten da.